Kjell Magnus Økland kom på årsmøte 24. mars og fortalde om Forbundet Kysten sitt prosjekt om nytt liv i naust og sjøhus.
Han er ansatt som prosjektleiar og skal saman med ei arbeidsgruppe fordela 14 millionar som skal føra til ny aktivitet i naust. Det er Sparebankstiftelsen DNB som har bevilga midlane. Dette er andre gongen Forbundet Kysten deler ut slike midlar, i den runden fekk 51 naust støtte til ny aktivitet. Her er link til søknadsinformasjon. Søknadsfristen er 22. april. Søk støtte til naust og sjøhus innen 22. april
Slik kan det sjå ut i gamle naust, men ikkje fortvil. Ved behandling stoppar angrepet og bygningen vil stå i mange år. Spray på med klorprodukt eller kjøp kjemekalier hjå Skadedyrshop.no. Ta jobben no i vinter!
Stilt i støa, men liv i sjøen under fiske etter julatorsken. Den flotte Syputa til venstre og to Solstjerne som kan ha mellom 9 og 18 armar. Her ver det 11 og 12.
Ei julehelsing frå Høgsterett til oss som forvaltar kystkulturen.
I desember tapte Stat og Kommune i Høgsterett i saka om ei brygge på Hjellstad ved Bergen. Det er dei som sit med bevisbyrden om dei meinar du har brote lova i strandsona. Sjå kva Dagens Næringsliv skriv om saker 7. desember 2024 her.
Naustforeininga Nytt i Naust vil fylgje opp denne saka.
Gavlabåten Duen på 32 fot frå 1947 vart restaurert i 2024.
Dagen starta med lunsj på ungdomshuset Vaagheim i Skogsvåg. Stortingsrepresentant Ove Bernt Trellevik drog linene frå dei gode intensjonane i Grunnloven paragraf 112 til dagens detaljstyring. § 112 seier at «Alle har rett til eit helsesamt miljø og ein natur der produksjonsevna og mangfaldet blir haldne ved lag. Naturressursane skal disponerast ut frå ein langsiktig og allsidig synsmåte som tryggjer denne retten òg for kommande slekter.»
Han viste vidar til kven som ville ha eit ord med i laget, det var Statsforvaltaren, Fylkeskommunar, kommunar , direktorat, forskjellige tilsyn og riks og fylkesantikvaren» I byråkratiet har dermed den gode intensjonen i denne lova over tid utvikla seg med «Forskrifter, rundskriv, planretningsliner, kommunal planlegging med detaljert føresegner». Så var diskusjonen i gang, kva må gjerast? Stunda der vart avslutta med filmen Kval I Våg, ein film om den historiske kvalfangsten der bygdafolket brukte armbrøst og bakterieinfiserte piler til å få livet av vågakvalen.
Turen gjekk så til Sangoltshopen for å sjå på naustmiljøet der. Vidare til Limevågen til naustet der. Det fungerer framleis, og ser ut som eit naust, men det er laga til for overnatting i 2. høgda.
På Steinsland gjekk folke om bord i den nyrestaurerte gavlabåten Duen og hadde ein flott ettermiddagstur til Vorland og Handelsbua der. Vidare langs nausta ved Kausland og ut til handelsstaden Glesvær.
Her har det vore liten aktivitet. Det må ei endring til i lovverket slik at ein kan få ny aktivitet i gamle naust.
På Steinsland vart det omvising i eit naust som var fylt med historiske gjenstandrer. Kvelden vart avslutta med festmiddag i naustet til Kjell og Anita. Dei fekk i år ein velfortjent naustpris.
Naustforeininga Nytt i Naust vart formelt starta på Tollboden i Bergen i mars 2014. Bakgrunnen for stiftinga var at alle nausta i Sund kommune vart fotografert i 2008 og det vart laga ein rapport. Denne viste at det berre i Sund var 500 naust, mange av desse var i dårleg stand og seinare er fleire havarert. Det viste også at potensialet i alle nausta på kysten er svært stor. Les rapport her: https://naust.org/wp-content/uploads/2024/07/Notat.-Ta-nausta-i-bruk.-2008.pdf
Naustforeininga har i alle år prøvd å påverka offentleg mynde til å vera med å få ny aktivitet i nausta. Nokre gladhistoriar kan me fortelje, men dei overordna linene for å få ny aktivitet i nausta er strengar enn nokon gong. Arbeidet vårt vil halda fram i nye ti år!!!!
NB. Det vert jubileum fredag 25. oktober, invitasjon kjem senare
På årsmøte utvekslar Inger Helene Øvrebø frå Solund og Anita Fedøy frå Bulandet informasjon om kva som skjer i nausta ytterst på vestlandskysten. Inger Helene hadde innlegg om naust og kulturmiljø i Solund kommune. Eit større prosjekt er her under oppsegling. Foreininga Nytt i Naust har tiårsjubileum i år og har i desse åra markert seg, og sett dagsorden fleire stader der makta er samla.
